Qazaqstanda Ulttyq biliktilik sheńberi bekitildi
Qazaqparat qujattyń mátinin taratady.
Qazaqstan Respýblıkasy Bilim jáne ǵylym mınıstrliginiń birlesken buıryǵy №444
2012 jylǵy 28 qyrkúıek , Astana qalasy
Ulttyq biliktilik sheńberin bekitý týraly
Qazaqstan Respýblıkasy Eńbek kodeksiniń 138-3-babyna sáıkes buıyramyn:
1. Osy buıryqtyń qosymshasyna sáıkes Ulttyq biliktilik sheńberi bekitilsin.
2. Qazaqstan Respýblıkasy Eńbek jáne halyqty áleýmettik qorǵaý mınıstrligi eńbek jáne áleýmettik áriptestik departamenti (A.Á.Sarbasov) osy birlesken buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin jáne onyń resmı jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıtse-mınıstri B.B.Nurymbetovke jáne Qazaqstan Respýblıkasy Bilim jáne ǵylym vıtse-mınıstri M.Q.Orynhanovqa júktelsin.
4. Osy birlesken buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Bilim jáne ǵylym
mınıstri B.Jumaǵulov.
Qazaqstan Respýblıkasy Eńbek jáne halyqty
áleýmettik qorǵaý mınıstriniń
mindetin atqarýshy G.Ábdiqalyqova.
Qazaqstan Respýblıkasy Bilim jáne ǵylym mınıstriniń
2012 jylǵy 28 qyrkúıektegi № 444 jáne
Qazaqstan Respýblıkasy Eńbek jáne halyqty áleýmettik qorǵaý mınıstri mindetin
atqarýshynyń 2012 jylǵy 24 qyrkúıektegi № 373-ó-m birlesken buıryǵymen bekitilgen
Ulttyq biliktilik sheńberi (budan ári - UBSh) segiz biliktilik deńgeıinen turady, bul Eýropalyq biliktilik sheńberine jáne «Bilim týraly» Qazaqstan Respýblıkasynyń 2007 jylǵy 27 shildedegi Zańynda aıqyndalǵan bilim deńgeıine sáıkes keledi.
UBSh biliktilikterdiń salaaralyq salystyrmalyǵyn qamtamasyz ete otyryp, salalyq biliktilik sheńberin, kásibı standarttardy ázirleý úshin biryńǵaı shákildi aıqyndaıdy jáne mamandar biliktiliginiń sáıkestigin rastaý jáne ony berý júıesi úshin negiz bolyp tabylady.
