Qazaqstanda ulttyq bı akademııasyna irikteý bastaldy
ASTANA. QazAqparat - Elimizde qazaq ulttyq bı akademııasyna daryndy balalardy irikteý bastaldy, dep habarlady www.24.kz.
Bul kópsatyly kásibı horeografııalyq bilim berýge arnalǵan Ortalyq Azııadaǵy tuńǵysh óner ordasy bolmaq. Astanada ornalasatyn óner oshaǵy osy jyldyń kúzinde jumysyn bastamaq. Balalar munda jalpy bilimmen qatar, balet pen bı ansambli, horeografııa rejısseri, bı pedagogy men ónertanýshy mamandyǵyn ıgeredi. Іrikteýden ótkizetin qazylardyń aıtýynsha, balanyń bıge degen ıkemi men plastıkalyq qabiletterine basa nazar aýdarylady.
"Terekti, Bórli, Zelenov, Tasqala aýdandarynda bolyp qaıttyq. Onyń maqsaty 2-4-synyptaǵy daryndy ul-qyzdardy irikteý bolatyn. Bul jerde mindetti túrde bıge qatysyp júrgen balalardy almaımyz, aýyldaǵy daryndy balalar da bul irikteýden óte alady", - dedi oblystyq mádenıet, muraǵattar jáne qujattama basqarmasynyń jetekshi mamany Batyrhan Qaıyrov.
