Qazaqstanda Ulttyq antıdopıngtik ortalyq qurý qajet - T.Ermegııaev
ASTANA. 17 sáýir. QazAqparat - Qazaqstanda Ulttyq antıdopıngtik ortalyq qurý qajet. Búgin Úkimettiń selektorlyq rejimdegi otyrysynda QR Sport jáne dene shynyqtyrý isteri jónindegi agenttiginiń tóraǵasy Talǵat Ermegııaev osyndaı bastama kóterdi.
«Antıdopıngtik zerthana jumysyn tolyq qamtamasyz etý úshin sporttaǵy dopıngpen kúres boıynsha qabyldanatyn sharalardyń kemshin túsip otyrǵan býyny retinde Ulttyq antıdopıngtik ortalyq qurý qajet», - dedi ol.
Onyń aıtýynsha, atalǵan ortalyq sportshylarǵa dopıng testileýdi uıymdastyrý, qannan saraptama alý syndy qajetti sharalardy ótkizetin bolady.
«Máseleniń sheshilýi ulttyń ári eldiń damý deńgeıiniń mańyzdy kórsetkishteriniń biri bolyp tabylatyn sporttyq jetistikterdiń ósimine óz áserin tıgizedi», - dedi T.Ermegııaev.
