Qazaqstanda ulttyq anımatsııalyq jáne dokýmentalıstıka stýdııalaryn qurý josparlanýda - A.Muhamedıuly
Bul týraly búgin QR Mádenıet jáne sport mınıstri Arystanbek Muhamedıuly málim etti.
«Ulttyq anımatsııalyq stýdııany jáne dokýmentalıstıka stýdııasyn qurý mańyzdy baǵyt bolyp otyr», - dep atap ótti A.Muhamedıuly mınıstrliktiń alqa májilisinde.
«Bizben «Qazaqfılm» AQ-nyń áleýetin biriktirý úshin ınvestıtsııalar tartý boıynsha jáne 50/50 ortalyq qarjylandyrý qaǵıdaty boıynsha jeke kompanııalardy onyń ishinde sheteldik kompanııalardy tartý baǵytynda jumystar júrgizilip jatyr. Ulttyq fılmderdi óndirý qazirgi zamannyń jarqyn jáne úzdik úlgilerin, bizdiń tarıhymyzdy, mádenıet pen muramyzdy tanytatyn kórnekti tulǵalardyń beınesin naqtyly túrde kórsetýge baǵyttalǵan», - dedi mınıstr.
Sonymen qatar elimizde «Qazaqstan» ortalyq kontsert zalynyń bazasynda «QazaqKontsert» memlekettik kontserttik uıymyn qurý usynylyp otyr.
«Bul astanamyzda oryndaýshylardyń joǵary kásibı pýlyn qalyptastyrýǵa múmkindik beredi», - dep túıdi sózin A.Muhamedıuly.
