Qazaqstanda Ulttyq tsıfrlyq arhıv júıesi ázirlenip jatyr – QR Prezıdenti

Prezıdenttiń úndeýin Prezıdent Ákimshiliginiń Jalpy bóliminiń meńgerýshisi Erbol Adaev jetkizdi.

Memleket basshysy arhıv isi búgingi tańda tek qujattardy saqtaýmen shektelmeıtinin, onyń ulttyq jadyny qorǵaý men qoǵamnyń tarıhı sanasyn qalyptastyrýdaǵy mańyzy artyp kele jatqanyn atap ótken.

– Arhıv salasyn damytý, jańǵyrtý jáne halyqaralyq ozyq tájirıbelerdi engizý búgingi kúnniń mańyzdy mindetteriniń biri. Bul – jaı ǵana jumys emes, bul – úlken mıssııa, – delingen Prezıdenttiń quttyqtaý hatynda.

Memleket basshysynyń sózinshe, qazaqstandyq arhıvshilerdiń jumysy ıÝNESKO men Halyqaralyq arhıvter keńesi aıasynda júzege asyrylyp jatqan álemdik qujattyq murany tsıfrlandyrý bastamalarymen úndesedi.

Sondaı-aq ol elimizde jarııalanǵan Tsıfrlandyrý jáne jasandy ıntellekt jyly aıasynda «aqyldy arhıvter» jelisin qalyptastyrý basym baǵyttardyń biri retinde aıqyndalǵanyn jetkizdi.

- Qazirgi tańda meniń tapsyrmammen Ulttyq tsıfrlyq arhıv júıesi ázirlenip jatyr. Bul Qazaqstannyń qujattyq jáne mádenı murasyn saqtaýǵa keń múmkindik beretin mańyzdy joba, – delingen quttyqtaý hatta.

Memleket basshysy mundaı bastamalar eldiń tehnologııalyq damý baǵytyna tolyq sáıkes keletinin jáne mádenıet, bilim, ǵylym men ınnovatsııany damytýǵa jańa serpin beretinin atap ótti.

- Keleli jıyn arhıv salasyn jan-jaqty damytýǵa, zamanaýı talaptarǵa saı bilikti mamandar daıarlaýǵa jáne bolashaǵy zor tsıfrlyq júıelerdi tabysty engizýge septigin tıgizedi dep senemin, – delingen.

Aıta keteıik, Astanadaǵy «Digital Archive EXPO» III Halyqaralyq arhıvshiler kongresine álemniń 30 elinen 500-den astam sarapshy, arhıv mekemeleriniń ókilderi, ǵalymdar men IT-mamandar qatysýda. Forým aıasynda arhıvterdi tsıfrlandyrý, jasandy ıntellekt tehnologııalaryn engizý, qujattyq murany saqtaý jáne arhıv isiniń bolashaǵyna qatysty máseleler talqylanyp jatyr.

Eske salaıyq, buǵan deıin memlekettik arhıvterge «Ulttyq» mártebe berý qaǵıdalary bekitilgen edi.