Qazaqstanda Ulttyq tehnıkalyq normalaý ınstıtýty qurylady

ASTANA. KAZINFORM — Atalǵan ınstıtýt qurylys salasyndaǵy tehnıkalyq normatıvtik talaptardy ǵylymı zertteý, ázirleý, ózektendirý jáne súıemeldeý boıynsha biryńǵaı ortalyqqa aınalady, dep habarlaıdy Ónerkásip jáne qurylys mınıstrliginiń baspasóz qyzmeti.

Sonymen qatar, ol halyqaralyq standarttarmen úılestirýdi qamtamasyz etedi.

— Instıtýt aıasynda naqty baǵyttar boıynsha (qurylymdar, sáýlet, qala qurylysy, kólik, qubyr júıeleri, sýmen jabdyqtaý jáne t. b.) naryqtan tartylǵan bilikti mamandardyń qatysýymen salalyq tehnıkalyq komıtetter qalyptastyrylady, — delingen mınıstrlik taratqan aqparatta.

Osyǵan deıin Qurylys jobalaryna vedomstvodan tys saraptama júrgizý tártibi bekitiletinin jazǵanbyz.