Qazaqstanda ulttyq sport túrlerinen kásibı bapkerler daıyndalyp jatyr
ASTANA. KAZINFORM – Qazaqstanda ulttyq sport túrleri boıynsha kásibı bapkerler daıyndalyp jatyr. Dene shynyqtyrý jáne buqaralyq sport akademııasy qazaq kúresi men toǵyzqumalaq sekildi dástúrli sport túrlerinen pedagog-jattyqtyrýshylardy arnaıy baǵdarlama boıynsha oqytyp otyr. Bul týraly joǵary oqý ornynyń rektory Tursynzada Qýanǵalıeva Jibek Joly arnasynyń «Búgin LIVE» baǵdarlamasynda málimdedi.
– Koreıa, Japonııa elderinde bapkerlerdi bólek daıyndaıtyn bolsa, ulttyq sporttyń bapkerlerin de bólek daıyndaıdy. Ne úshin? Olardy sol sport túrin ózge elderge nasıhattaý úshin dıplomat retinde oqytady. Biz alǵash ret Dene shynyqtyrý jáne buqaralyq sport akademııasynda qazaq kúresi boıynsha pedagog-trener bilim berý baǵdarlamasyn Qazaq kúresi federatsııasymen birge 2 jyldan beri júzege asyryp kele jatyrmyz. Bıyl ústel sporty túrleriniń ishinde toǵyzqumalaq boıynsha jattyqtyrýshy pedagogterdi daıyndaýdy bastadyq, – deıdi ol.
Oqý orny osydan 3 jyl buryn ǵana jumysyn bastaǵan.
– Osydan 3 jyl buryn elimizdiń bas qalasynda Dene shynyqtyrý jáne buqaralyq sport akademııasy ashyldy. Bul Qazaqstan Respýblıkasynyń dene shynyqtyrý jáne sport tujyrymdamasyn júzege asyrý aıasynda ashylǵan. Qazirgi ýaqytta biz bakalavrıat, magıstratýra jáne doktorantýra deńgeıinde bilim berip jatyrmyz. Bizdiń basqa oqý oryndarynan basty ereksheligimiz – stýdentter 3 jylda dıplom alady, – deıdi rektor.
Alaıda, akademııa sportshylardy emes, sport salasyna qajetti bilikti mamandardy daıarlaıdy eken.
– Kóbisi bizdi sportshylardy daıyndaıdy dep oılaıdy. Biz sportshylardy emes, sport salasyna joǵary bilikti mamandardy daıyndaımyz. Mysaly, bıylǵy oqý jylyna deıin Qazaqstandaǵy sport salasynda joǵary bilikti mamandar daıarlanbaǵan. Tek qana dene shynyqtyrý pániniń muǵalimderi ǵana daıarlanǵan. Qazaqstan Respýblıkasy Ǵylym jáne joǵary bilim mınıstrliginiń joǵary bilikti mamandardy daıarlaýdyń jiktegishi bar. Sol jiktegishke saı tek 01 pedagogıkalyq baǵyttaǵy dene shynyqtyrý pániniń muǵalimi daıarlanǵan. Bul – qazirgi oqý-aǵartý mınıstrliginiń mamandary. Biz sheteldik jikteýishterdi zerttedik. Solaı osy jikteýishke sport baǵytyn qosýdy usyndyq. Usynysymyzdy Sport jáne Ǵylym jáne joǵary bilim mınıstrlikteri qoldap, qazirgi tańda elimizde resmı túrde engizildi. Solaı biz sport baǵyty boıynsha lıtsenzııasy bar tuńǵysh joǵary oqý orny atandyq, – deıdi Tursynzada Qýanǵalıeva.
Joǵary oqý orny qazir túrli sporttyq baǵyt boıynsha bolashaq bapkerlerge bilim berip jatyr.
– Biz ártúrli sport baǵyttary boıynsha bapkerlerdi daıyndaımyz. Oǵan qosa sporttyq reabılıtatsııa, sporttyq menedjment, beıindik dene shynyqtyrý pániniń muǵalimderin jáne bıyldan bastap kıbersport mamandaryn oqytamyz. Bizde bilim alatyndardyń 55%-y er balalar. Ár bilim berý baǵdarlamasynda da qyz stýdentterdiń úlesi kóp. Biraq dál qazaq kúresi boıynsha pedagog-jattyqtyrýshylarda tek uldar bilim alady da, ústel sport túrleri, dene shynyqtyrý pániniń muǵalimderi boıynsha qyz balalardyń úlesi basym. Mysaly, ózderińiz biletin shahmattan álem chempıony, álemniń 8 dúrkin chempıony atanǵan, qytaılyq shahmatshyny jeńgen Merýert Kamalıdenova bizde shahmat pedagog-jattyqtyrýshy mamandyǵynda bilim alyp jatyr, – deıdi stýdııa qonaǵy.
Dene shynyqtyrý jáne buqaralyq sport akademııasynda bilim alǵan stýdentter 3 jylda 2 dıplomǵa ıe bola alady.
– Biz bolashaqta bilikti bapkerlerdi daıyndaý maqsatynda qos dıplomdy, birikken dıplomdy baǵdarlamalardy sheteldik áriptesterimizben birge júzege asyryp jatyrmyz. Sonyń biri – sporttyq menedjment bilim berý baǵdarlamasy. Bul – Polsha jáne Belgııa elderiniń jetekshi JOO-men birikken baǵdarlama jáne frantsııalyq Éclair University-men birge qos dıplomdy baǵdarlamany júzege asyryp jatyrmyz. ıAǵnı stýdentter bitirgende Qazaqstan men Frantsııanyń 2 birdeı dıplomyn alyp shyǵady. Sonymen qatar biz Eýropa, Koreıa elderinen 2 apta nemese 2 aıǵa sheteldik oqytýshylardy shaqyramyz. Olar ózderiniń modýldik dáristerin ótkizip jatyr, – deıdi akademııa rektory.
Tursynzada Qýanǵalıeva sporttyq bapkerler tek fızıkalyq daıyndyqqa nazar aýdarmaı, ǵylymı zertteýler nátıjesine de súıený kerektigin aıtty.
– Bolashaq bapkerlerdiń sapasyn arttyrý úshin biz teorııalyq bilimmen shektelmeı, ózimizdi kópsalaly hab retinde qalyptastyryp jatyrmyz. Biz naryqtaǵy tájirıbesi 3 jyl ǵana bolǵan jas ýnıversıtetpiz. Bizdiń negizgi prıntsıpterimiz – ǵylymı zertteýlerge negizdelgen. Sportshylardy daıyndaıtyn bapkerler tek fızıkalyq jattyǵýlarǵa ǵana emes, ǵylymı zertteýlerdiń nátıjelerine de súıenýi kerek. Bizde sporttyq psıhologııa, sporttyq reabılıtatsııa, sporttyq medıtsına salalarynda mamandarǵa suranys kóp. Sol úshin biz osy baǵyttarǵa baǵdar buryp otyrmyz, – deıdi maman.
Rektordyń aıtýynsha, elimizde dronmen oınaıtyn fýtbolǵa qyzyǵýshylyq artyp kele jatyr.
– Biz qazir tsıfrlyq bolashaqqa qadam basyp jatyrmyz. Meni tańqaldyrǵany – qazir álemde dronmen oınaıtyn fýtbol damyp jatyr eken. Sol úshin biz qazir álemdik seriktestermen qatynas ornatyp jatyrmyz. Osy jasandy ıntellekt, e-sport, dron arqyly elimizdegi jastar arasynda dronmen oınaıtyn fýtbolǵa da qyzyǵýshylyq artyp kele jatyr eken. Osy maqsatta biz de kıbersport bilim berý baǵdarlamasyn Kıbersport federatsııasymen birge daıyndap, Frantsııanyń ataqty JOO-men birge júzege asyryp jatyrmyz, – deıdi Tursynzada Qýanǵalıeva.
Aıta keteıik, búgin Memleket basshysy Bekzat Sattarhanov atyndaǵy sport keshenin aralap kórdi.