Qazaqstanda ulttyq «Safe Kids» baǵdarlamasy ázirlenip jatyr
ASTANA.KAZINFORM - Búgin Astanada QR Memlekettik keńesshisi Erlan Qarın men BUU Balalar qorynyń (ıÝNISEF) Eýropa jáne Ortalyq Azııa boıynsha aımaqtyq dırektory Redjına De Domınıchıspen kezdesý ótti, dep habarlaıdy Kazinform tilshisi.
Kezdesýge sondaı-aq Balalar quqyǵyn qorǵaý jónindegi ýákil Dınara Zákıeva qatysyp, balalarǵa qatysty sýıtsıd, zorlyq-zombylyq jáne qorlaýdyń aldyn alý boıynsha memlekettik organdar men azamattyq qoǵam ınstıtýttary qabyldap jatqan birlesken sharalardy biriktiretin «Qaýipsiz balalar» baǵdarlamasyn tanystyrdy.
Bul joba qıyn ómirlik jaǵdaıǵa tap bolǵan balalardy erte anyqtaý jáne olarǵa kómek kórsetý boıynsha júıeli sharalardy, pedagogter men ata-analarǵa ádistemelik kómek kórsetýdi, quqyqtyq jáne aqparattyq qoldaýdy, sondaı-aq qundylyqtarǵa negizdelgen tárbıe jumystaryn júrgizýdi kózdeıdi.
ıÝNISEF-tiń aımaqtyq dırektory Redjına De Domınıchıs usynylǵan «Qaýipsiz balalar» baǵdarlamasynyń tereń ázirlengenin jetkizip, onyń jan-jaqty sıpaty men engizilgen ınnovatsııalyq sheshimderdi atap ótti.
Osyǵan deıin Úkimettiń balalar qaýipsizdigimen baılanysty 58 myńnan astam ınternet-resýrsty buǵattaǵany týraly jazdyq.