Qazaqstanda Ulttyq kitap kúnine oraı kitap aptalyǵy bastaldy
ASTANA. KAZINFORM - 23 sáýirde Qazaqstanda Memleket basshysy Qasym-Jomart Toqaevtyń bastamasymen bekitilgen Ulttyq kitap kúni atalyp ótedi. Osyǵan oraı eldiń barlyq óńirinde kitap oqý mádenıetin arttyrýǵa jáne zııatkerlik áleýetti damytýǵa baǵyttalǵan kitap aptalyǵy uıymdastyrylady.
Aptalyq aıasynda 1500-den astam is-shara ótkizý josparlanǵan.
Baǵdarlama kelesi kúnderdi qamtıdy:
- 16 sáýir – «Artyq bilim kitapta…»
- 17 sáýir – «Sóz ónerindegi ólketaný»
- 18 sáýir – «Kitaphana túni» aktsııasy
- 19-20 sáýir – «Weekend. Book. Vibes»
- 21 sáýir – «Kitap. Tarıh. Shejire»
- 22 sáýir – «Kitap – dostyq ambassadory»
- 23 sáýir – Ulttyq kitap kúni.
Búgingi kún «Artyq bilim kitapta…» taqyrybymen ótip jatyr. Bul kún kitapty oqý men aǵartýdyń, rýhanı damýdyń qaınar kózi retindegi mánin aıqyndaýǵa baǵyttalǵan. Osy oraıda elimizde kitap festıvalderi, ashyq esik kúnderi, jármeńkeler, kitap oqý marafondary, sondaı-aq baspalar men kitap dúkenderi birlesip túrli is-sharalar ótkizedi.
- Kitaphanalarda kelýshiler úshin taqyryptyq kórmeler, tanystyrylymdar men túrli baǵdarlamalar uıymdastyrylyp, kitapqa degen qyzyǵýshylyqty arttyrýǵa jáne onyń qoǵamdaǵy ornyn nyǵaıtýǵa erekshe mán beriledi, - delingen habarlamada.
Aıta keteıik, Qazaqstanda Kitaphanashylar men Ulttyq kitap kúni 23 sáýirde birge atap ótiledi.