Qazaqstanda «Ulttyq agrarlyq ǵylymı-bilim berý ortalyǵy» ǵylym onkúndigi bastalady
ASTANA.KAZINFORM - Agrarlyq ǵylym eldiń azyq-túlik qaýipsizdigin qamtamasyz etýde, turaqty aýyl sharýashylyǵyn damytýda jáne tehnologııalyq táýelsizdikke qol jetkizýde mańyzdy ról atqarady.
Ǵylym kúni qarsańynda «Ulttyq agrarlyq ǵylymı-bilim berý ortalyǵy» jáne onyń enshiles uıymdary otandyq agrarlyq ǵylym jetistikterin keńinen tanytý, qazaqstandyq ǵalymdardyń eńbegin kórsetý jáne ǵylymǵa qyzyǵýshylyqty arttyrý maqsatynda ǵylym onkúndigin bastaıdy.
Onyń sheńberinde elimiz boıynsha júzden astam is-shara ótkizý josparlanǵan. Olardyń qatarynda ǵylymı konferentsııalar men dóńgelek ústelder, semınarlar men dárister, kórmeler men tájirıbelik kórsetilimder, ǵalymdarmen kezdesýler, sondaı-aq tájirıbe alqaptaryna ekskýrsııalar men kóshpeli is-sharalar bar.
Aýyl sharýashylyǵy mınıstrligi málimetinshe, is-shara Qazaqstannyń barlyq óńirin qamtıdy. Oǵan mektep oqýshylary, stýdentter, agrobıznes ókilderi jáne barlyq múddeli azamattar qatysady.
Baǵdarlama «Ulttyq agrarlyq ǵylymı-bilim berý ortalyǵynyń» resmı saıtynda — NASEC.kz — jarııalanǵan.
Qazaqstanda ǵylymı zertteýler men ázirlemelerge (ǴZTKJ) bólinetin qarjy óńirler arasynda aıtarlyqtaı árkelki. Máselen, Mańǵystaý oblysy, Astana jáne Almaty qalalarynda bul kórsetkish joǵary bolsa, Ulytaý men Jetisý oblystarynda kerisinshe tómen deńgeıde qalyp otyr.
Bul ǵylymı áleýettiń óńirler boıynsha teń damymaı otyrǵanyn ańǵartady. Kazinform tilshisi máseleniń sebepteri men ony azaıtý joldaryn saralap kórdi.
