Qazaqstanda úlestik qurylysta kepildik berý qory qurylady
ASTANA. QazAqparat - Qazaqstanda úlestik qurylysta kepildik berý qory qurylady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń tóraǵasy Marhabat Jaıymbetov málim etti.
«Bolashaqta úleskerler úshin problemalyq jaǵdaılardy týyndatpas úshin, sondaı-aq úleskerler qarjysyn qorǵaý turǵysynda bizde úleskerlik qurylysta kepildik berý Qory qurylatyn bolady. Qazirgi kezde úleskerlik qurylys týraly zań jobasy Parlament Májilisiniń qaraýynda», - dep toqtaldy komıtet tóraǵasy.
Osy oraıda ol elimizdegi problemaly nysandarǵa toqtaldy.
«Aǵymdaǵy jyldyń basynda qurylysy aıaqtalmaǵan 14 nysan (1664 úleskerdiń qatysýymen) bolǵan edi. Qazirgi kezde eki nysan (490 úlesker) paıdalanýǵa berildi. 1174 úleskerdiń qatysýymen 12 problemaly nysan baqylaýda tur. Onyń ishinde 11 nysandy 2016 jyly, bir nysandy 2017 jyly aıaqtaý qarastyrylyp otyr», - dedi M. Jaıymbetov.
