Qazaqstanda úleskerlik qurylys naryǵy qysqarmaıdy
ASTANA. QazAqparat - Qazaqstanda úleskerlik qurylys naryǵy damytylady, dep habarlaıdy QazAqparat tilshisi.
«Ortasha merzimdi bolashaqta úleskerlik qurylys naryǵy aıtarlyqtaı qysqarmaıdy, kerisinshe, odan ári damı túsedi», - dedi «Turǵyn úı qurylysyn kepildendirý qory» AQ basqarma tóraǵasy Danııar Jumashov OKQ-da ótken brıfıngte.
«2007-2008 jyldary úleskerlik nysandardyń shamamen 90 paıyzy turǵyndar qarajatynyń esebinen qarjylandyrylǵan. Іs júzinde, qarjylandyrýdyń mundaı qurylymy óte qaýipti. Úıdi salýshy jobalyq baǵanyń 30-40 paıyzyna óz qarajatyn, al 70 paıyzyna - turǵyndardyń aqshasyn quıǵan jaǵdaıda oryndy teńgerim (balans) bolady», - dep qosty ol.
Bul rette, ol úı salýshylarǵa bul balansty Astana jáne Almaty qalalarynda oryndaý áldeqaıda qıyn dep sanaıdy.
«Kóptegen qurylysshylardyń birneshe nysandy salýy sebebimen, árbir nysanǵa bir ýaqytta 30 paıyz qarajat tabý qıyn. Biraq aımaqtyq salýshy bir nemese 2 nysan salsa, bul ábden múmkin», - dep atap ótti D.Jumashov.
Kamıla Amırova
