Qazaqstanda ul balalarǵa da APV-ǵa qarsy ekpe salý josparlanyp otyr
ASTANA. KAZINFORM – Qazaqstanda aldaǵy ýaqytta adam papıllomasy vırýsyna (APV) qarsy vaktsınatsııa baǵdarlamasyna ul balalardy da engizý josparlanyp otyr.
Bul týraly Astana qalasynyń sanıtarııalyq-epıdemıologııalyq baqylaý departamentiniń basshysy Aıgúl Shaǵaltaeva Óńirlik kommýnıkatsııalar qyzmetinde ótken brıfıngte málimdedi.
Onyń aıtýynsha, búginde APV-ǵa qarsy vaktsına álemniń kóptegen elinde ulttyq ımmýndaý baǵdarlamasynyń bir bóligine aınalǵan.
– AQSh pen Avstralııada APV-ǵa qarsy vaktsına qyz balalarǵa ǵana emes, ul balalarǵa da salynady. Al TMD elderiniń ishinde Ózbekstan, Qyrǵyzstan, Túrikmenstan, sondaı-aq Grýzııa men Armenııa bul vaktsınany ulttyq ımmýndaý baǵdarlamasyna engizgen, – dedi Aıgúl Shaǵaltaeva.
Spıkerdiń sózinshe, halyqaralyq tájirıbe eskerile otyryp, Qazaqstanda da aldaǵy ýaqytta APV-ǵa qarsy vaktsınatsııa baǵdarlamasyna ul balalardy engizý josparlanyp otyr.
Eske salaıyq, buǵan deıin APV-ǵa qarsy vaktsınatsııa baǵdarlamasyna ul balalardy engizýdiń mańyzy men halyqaralyq tájirıbe týraly jazǵan edik.
