Qazaqstanda UQShU barlaýshylarynyń oqý-jattyǵýy ótip jatyr

ASTANA. QazAqparat - Ujymdyq qaýipsizdik týraly shart uıymyna múshe memleketterdiń barlaý organdary men bólimsheleri «Іzdeý-2022» arnaıy oqý-jattyǵýyna qatysýda, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Birlesken oqý-jattyǵý Jambyl oblysyndaǵy «Mátibulaq» jáne «Gvardeısk» polıgondarynda ótip jatyr.

«Іzdeý-2022» oqý-jattyǵýynyń maqsaty boıynsha basqarý organdary men kontıngentter bólimsheleri UQShU-nyń Ujymdyq qaýipsizdik óńirindegi qarýly qaqtyǵysty oqshaýlaý is-qımylyn pysyqtaıdy.

Oqý-jattyǵý barysynda Jedel áreket etý ujymdyq kúshterin toptastyrý jáne birlesken operatsııany daıyndaýda tez ózgeretin jaǵdaıdy eskere otyryp, úzdiksiz barlaý júrgizý de uıymdastyryldy.

UQShU-nyń Ujymdyq jedel áreket etý kúshteriniń qolbasshysy qabyldaǵan sheshimdi oryndaý kezinde barlaýshylarǵa arnaıy barlaý quraldaryn qoldana otyryp, qarsylastyń jasaqtaryn anyqtaý mindetteri júkteledi.

Arnaıy oqý-jattyǵýdyń maqsaty – basqarý organdarynyń ózara is-qımylyn jetildirý, dalalyq bilim deńgeıin kóterip, barlaý bólimshelerdiń tez arada úılesimdiligin arttyrý bolyp tabylady.