Qazaqstanda úkimettik emes uıymdardy qarjylandyrýdyń jańa mehanızmi engiziledi
«Granttyq qarjylandyrý salasyndaǵy problemalardy sheshý úshin mınıstrlik qazirgi ýaqytta halyqaralyq tájirıbe negizinde azamattyq qoǵam sarapshylarymen birlese otyryp, granttyq qarjylandyrý salasyndaǵy zańnamany jetildirý boıynsha jumys júrgizýde. Granttardy halyqtyń qajettiligine baǵyttaýǵa múmkindik beretin ózekti baǵyttar boıynsha pýldar qalyptastyrý arqyly granttardy josparlaýdyń jańa formatyn engizý usynylady», - dep jaýap berdi Asqar Ýmarov depýtattyq saýalǵa.
Mınıstrdiń málimdeýinshe, atalǵan shara halyqaralyq praktıkada keńinen paıdalanylatyn «tómennen joǵary» tásilin engizýge múmkindik beredi.
Sonymen qatar qoǵamdyq bastamalardyń qazirgi kezdegi kún tártibine ıkemdelip, jedel den qoıýdy qamtamasyz etedi.
«Sondaı-aq, gradýırlengen granttar júıesin engizý usynylady. Granttyń túrine qaraı qarjylandyrý kólemine, iske asyrý merzimderine, ÚEU úshin konkýrsqa qatysý sharttaryna qoıylatyn ártúrli talaptar, eseptilikke qoıylatyn talaptar aıqyndalatyn bolady. Mundaı tásil granttyq qarjylandyrý rásimderin jeńildetýge múmkindik beredi», - deıdi ol.
Bul normalar «Qazaqstan Respýblıkasynyń keıbir zańnamalyq aktilerine volonterlik qyzmet, qaıyrymdylyq, memlekettik áleýmettik tapsyrys jáne úkimettik emes uıymdarǵa arnalǵan granttar máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy týraly» zań jobasynda kózdelgen, ol búgingi kúni QR Májilisi depýtattarynyń qaraýynda jatyr.
«Jumys tobynyń 13 otyrysy jáne zań jobasynyń birinshi oqylymy boldy. Sonymen qatar, 2021 jyldan bastap grant berý protsesiniń ashyqtyǵyn qamtamasyz etý maqsatynda grant alýshylardy aıqyndaý jónindegi saraptamalyq komıssııalardyń otyrystary granttyq qarjylandyrý operatorynyń saıtynda jáne áleýmettik jelilerinde tikeleı efırde kórsetiledi. Sondaı-aq, saraptama komıssııasynyń músheleri tikeleı efırde kezdeısoq ádispen Sarapshylar tizilimine engizilgen adamdar qatarynan qalyptastyrylady», - delingen resmı jaýapta.
