Qazaqstanda «Ýyldyryq shashý» keń aýqymdy balyq qorǵaý aktsııasy bastalady
ASTANA. KAZINFORM – Kóktemde Qazaqstanda tabıǵı ósimin molaıtý kezeńinde sý bıoresýrstaryn saqtaýǵa baǵyttalǵan «Ýyldyryq shashý» dástúrli balyq qorǵaý aktsııasy ótedi.
QR Aýyl sharýashylyǵy mınıstrligi baspasóz qyzmetiniń habarlaýynsha, óńirlerdiń klımattyq erekshelikteri men aýa raıyn eskere otyryp, aktsııa 2025 jyldyń sáýir-mamyr aılary aralyǵynda elimizdiń túrli oblystarynda ár túrli ýaqytta ótedi.
Aral-Syrdarııa, Balqash-Alakól, Esil, Zaısan-Ertis, Nura-Sarysý, Tobyl-Torǵaı jáne Shý-Talas oblysaralyq basseındik balyq sharýashylyǵy ınspektsııalarynyń basshylaryna balyq qorlaryn qorǵaý jónindegi sharalardy kúsheıtý tapsyryldy. Brakonerlermen kúreske, ýyldyryq shashý kezeńinde balyq aýlaýǵa tyıym salýdyń saqtalýyn baqylaýǵa, sondaı-aq halyq arasynda túsindirý jumystaryn júrgizýge basty nazar aýdarylatyn bolady.
Aktsııa aıasynda reıdtik is-sharalar, sý aıdyndarynyń monıtorıngi jáne tabıǵat qorǵaý zańnamasynyń saqtalýyn tekserý josparlanǵan.
- QR AShM Balyq sharýashylyǵy komıteti balyqshylar men azamattardy belgilengen shekteýlerdi saqtaýǵa jáne tabıǵı resýrstarǵa uqypty qaraýǵa shaqyrady, - delingen habarlamada.
Osyǵan deıin Balyq sharýashylyǵy komıtetiniń tóraǵasy taǵaıyndalǵany týraly jazdyq.