Qazaqstanda ÝEFA-nyń qoldaýymen fýtbol stadıondary jańartylady

ASTANA. QazAqparat – Memleket basshysynyń buqaralyq sportty damytýǵa baǵyttalǵan tapsyrmasyn oryndaý maqsatynda Qazaqstan fýtbol federatsııasy fýtbol alańdaryn qaıta jańartý baǵdarlamasyn engizip otyr, dep habarlaıdy QazAqparat.

«Úsh jylǵa arnalǵan baǵdarlama ÝEFA-nyń qoldaýymen júzege asyrylady. Sondaı-aq joba aıasynda jeke ınvestıtsııalardy tartý josparlanyp otyr.

Jobanyń basty maqsaty – fýtbol ınfraqurylymyn damytyp, buqaralyq fýtboldy damytýǵa jaǵdaı jasaý», - delingen federatsııanyń Telegram-arnasynda.

Bıyl baǵdarlama aıasynda Aqtaý, Almaty, Shymkent, Aqtóbe qalalary jáne Jetisý oblysyndaǵy stadıondardyń alańdary jańartylmaq.

2023 jyly renovatsııa baǵdarlamasyna kiretin fýtbol alańdary:

1. TsSKA stadıony, Almaty qalasy

2. B.Ońǵarov atyndaǵy stadıon, Jetisý oblysy, Balpyq bı aýyly

3. «Tsementnık», Shymkent qalasy

4. №2 BJSM, Aqtóbe qalasy

5. «Kaspıı» SK, Aqtaý qalasy