Qazaqstanda ýchaskelik polıtsııa shtaty ulǵaıtylady
Onyń atap ótýinshe, mınıstr aıqyndaǵan mindetterdiń biri jaıaý patrýlderdiń, sonyń ishinde zamanaýı tehnologııalardy paıdalana otyryp, polıtseılerdiń qyzmet atqarýyna tıimdi baqylaýdy uıymdastyrý boldy. Sonymen qatar quqyq buzýshylyqtardyń aldyn alýdy kúsheıtý jáne halyq úshin ýchaskelik polıtsııa ınspektorlarynyń qoljetimdiligin qamtamasyz etý basym baǵyt ekendigi aıtylǵan.
Osy oraıda Іshki ister mınıstrligi aldaǵy ýaqytta ishki rezerv esebinen ýchaskelik polıtsııa shtaty ulǵaıtylatyndyǵyn aıtqan.
«Memleket basshysynyń tapsyrmasyna sáıkes ýchaskelik ınspektordyń mártebesin arttyrý jáne onyń tıimdi jumys isteýi úshin qajetti ókilettikterin keńeıtý boıynsha sharalar qabyldanýda. Aýyldyq jerlerde qyzmettik turǵyn úımen japsarlas ýchaskelik pýnktter salynýda. Óz rezervteri esebinen ýchaskelik polıtsııa qyzmetiniń shtaty qosymsha ulǵaıtylatyn bolady», - dep atap ótken Erlan Turǵymbaev.