Qazaqstanda ýchaskelik ınspektor mártebesin kóterý qalaı iske asyrylyp jatyr

NUR-SULTAN. QazAqparat – Іshki ister mınıstri Erlan Turǵymbaev elimizde ýchaskelik ınspektorlardyń ókilettigi qalaı keńeıtiletinin túsindirdi, dep habarlaıdy QazAqparat tilshisi.

«Ýchaskelik ınspektor mártebesin kóterý boıynsha tıisti sharalar qabyldanyp jatyr. Ákimshilik ister men quqyq buzýshylyq profılaktıkasy salasynda olardyń ókilettigin keńeıtý josparlanyp otyr», - dedi mınıstr Senattaǵy polıtsııa qyzmetine qatysty Úkimet saǵatynda.

Osy oraıda ol zańnamaǵa tıisti túzetýler ázirlengenin jetkizdi.

E. Turǵymbaevtyń aıtýynsha, ishki rezervter esebinen ýchaskelik ınspektorlardyń shtattyq sanyn arttyrý josparlanyp otyr. Qazirgi kezde 6 473 bolsa, taǵy da úsh myńnan astam ýchaskelik ınspektor jetispeıdi.

«Sonymen qatar qalalarda aǵa ýchaskelik ınspektor ınstıtýtyn qalpyna keltirý eskerilgen. Qylmystyq quqyq buzýshylyqtyń 60 paıyzy oblys ortalyqtarynda jasalady. Sondyqtan polıtsııanyń ýchaskelik pýnktteri azamattardy qorǵaýdyń aldyńǵy shebi bolýy tıis. Osy oraıda tıisti ókilettikpen aǵa ýchaskelik ınspektordy bekitý josparlanǵan», - dedi vedomstvo basshysy.

Budan bólek, aýyldarda ýchaskelik ınspektor bıliktiń jalǵyz ókili ekenin eskere otyryp, olardyń árqaısysyna kómekshini usyný qarastyrylǵan.

«Ýchaskelik polıtseı 100 shaqyrym jerdegi basqa eldi mekenge qyzmet babymen baratyn jaǵdaılar jıi kezdesedi. Osy oraıda polıtsııanyń ýchaskelik pýnkti jabyq qalady. Sondyqtan olarǵa kómekshi qyzmetin engizýdi josparlap otyrmyz», - dedi mınıstr.