Qazaqstanda UBT-ny ótkizý erejelerine ózgerister engizildi
ASTANA. KAZINFORM — Ǵylym jáne joǵary bilim mınıstri Ulttyq birińǵaı testileýdi (UBT) ótkizý erejelerine ózgertýler engizetin buıryqqa qol qoıdy.
Jańartylǵan redaktsııa boıynsha, qysqartylǵan oqý merzimi bar uqsas salalarǵa túsetinder, sonyń ishinde Qazaqstan Respýblıkasynyń azamaty bolyp tabylmaıtyn ulty qazaq adamdar, shyǵarmashylyq daıyndyqty qajet etetin baǵdarlamalardy qospaǵanda, UBT-ny jalpy kásiptik jáne arnaıy pánder boıynsha tapsyrady.
Qujat UBT-ny qaıta tapsyrý tártibin de naqtylaıdy. Mysaly, qatysýshy testileýden aýrý, gospıtalızatsııa, jaqyn týystyń qaıtys bolýy, respýblıkalyq jáne halyqaralyq olımpıadalar men baıqaýlarǵa qatysý, sondaı-aq tótenshe jaǵdaılar sııaqty oryndy sebepter boıynsha qaldyrǵan jaǵdaıda, resmı qujattar arqyly dáleldeı alady.
Sonymen qatar UBT-ǵa elektrondyq formatta qatysý úshin ótinishterdi berý merzimderi men tártibi jańartyldy. Oryndy sebepter bolǵan jaǵdaıda, qatysýshy standartty merzimnen keıin tirkele alady.
Jańartylǵan redaktsııada apellıatsııa tapsyrý tártibi de keńeıtildi. Testileýden keıin qatysýshy nátıjeler men taldaý kartasymen tanysýǵa 10 mınýt alady. Sodan keıin ol apellıatsııaǵa ótýge nemese protsesti aıaqtaýǵa múmkindik alady. Apellıatsııa nátıjeleri 30 jumys kúni ishinde jarııalanady.
Sonymen qatar, bilim berý baǵdarlamalarynyń toptary jańartyldy, sonyń ishinde V060 «Hımııalyq ınjenerııa jáne protsester» baǵdarlamasy «Hımııa» jáne «Fızıka/Bıologııa» pánderimen tolyqtyryldy.
Qujat bıylǵy jyldyń 15 naýryzynan bastap qoldanysqa engiziledi.
Buǵan deıin naýryzdaǵy UBT-ny 184 myńǵa jýyq adam tapsyrǵanyn jazǵanbyz.
Sonymen qatar, mamyrdan keıin UBT-da beıindik pánderdi ózgertýge bolmaıdy.