Qazaqstanda UBT-2014 tapsyrýǵa 92 myń túlek daıyndalýda - A.Sárinjipov
ASTANA. QazAqparat - Bıylǵy jyly Ulttyq biryńǵaı testileýdi tapsyrýǵa qazaqstandyq túlekterdiń 72% nemese 92 myńy daıyndalýda, dep habarlady búgin Úkimet otyrysynda QR bilim jáne ǵylym mınıstri Aslan Sárinjipov. Bul týraly primeminister.kz saıtynda habarlandy.
«Aǵymdaǵy jyly 133 myń túlekten UBT tapsyrýǵa 92 myń nemese 72% tirkeldi. Qazaq tilinde UBT-di 64 myń túlek, orys tilinde - 28 myń tapsyrady», - dedi A.Sárinjipov.
«Altyn belgi» alýǵa, mınıstrdiń málimetinshe, 4 400 túlek úmitker. «UBT 2 maýsymnan bastap 8 maýsymǵa deıin 155 arnaıy jabdyqtalǵan pýnktterde ótedi. Barlyq pýnktterde shtabtar men memlekettik komıssııalar qalyptastyrylǵan», - dep atap ótti BǴM basshysy.
