Qazaqstanda TJ kezinde ataýly áleýmettik kómek qalaı taǵaıyndalady
«Bıylǵy sáýir aıynan bastap qazaqstandyqtar tótenshe jaǵdaı kezinde memlekettik organdarmen baılanyssyz ataýly áleýmettik kómekti (AÁK) ala bastaıdy. Áleýmettik kómekti qaıta taǵaıyndaý úshin memlekettik organdardyń aqparattyq bazalary arqyly derekterdi tekserý júrgiziledi. Atap aıtqanda, turǵylyqty jeri boıynsha tirkeý, jyljymaıtyn múliktiń bar-joǵy, kirister qamtylady. Eger otbasy quramy ózgermegen jaǵdaıda, taǵaıyndaýǵa ótinish qolda bar derekter negizinde qalyptastyrylatyn bolady. Bul úshin halyqty jumyspen qamtý ortalyqtarynyń qyzmetkerleri 1-toqsanda AÁK alǵan azamattar úshin óz betinshe ótinish jasaıdy jáne AÁK taǵaıyndaý ólshemderine sáıkestigin tekseredi», - delingen Eńbek jáne halyqty áleýmettik qorǵaý mınıstrligi habarlamasynda.
Bul turǵyda barlyq aqparat, sondaı-aq habarlamalar elektrondyq poshta nemese messendjerler arqyly jiberiletin bolady.
1-toqsanda ataýly áleýmettik kómek almaǵan azamattarǵa AÁK taǵaıyndaý úshin egov.kz portaly arqyly ótinish jiberý qajet. Ári qaraı jumyspen qamtý ortalyqtarynyń qyzmetkerleri qujattardy memlekettik organdardyń málimetter bazasynda tekserip, nátıjesin elektrondyq poshta nemese messendjerler arqyly habarlaıdy.
Bul rette ýchaskelik komıssııalar kóshpeli tekserýler júrgizbeıdi. Barlyq qajetti qujattardy azamattardan elektrondyq poshta arqyly nemese messendjerler arqyly suratatyn bolady.
Esterińizge sala keteıik, bıyldyń basynan beri AÁK alýshylar 102,4 myń otbasy nemese 527,6 myń adam boldy. AÁK alýshylardyń 41,5 paıyzyn kópbalaly otbasylar qurady.