Qazaqstanda týý kórsetkishi boıynsha kósh bastap turǵan óńirler ataldy
ASTANA. KAZINFORM — 2025 jyldyń 12 aıynda Qazaqstanda 335 myń bala dúnıege keldi, dep habarlaıdy Ulttyq statıstıka bıýrosynyń baspasóz qyzmeti.
Vedomstvo málimetine sáıkes, olardyń 51,5% — uldar, 48,5% — qyzdar.
Týýdyń eń joǵary koeffıtsıenti Túrkistan (1000 turǵynǵa 22,22 adam), Mańǵystaý (21,40) oblystarynda jáne Shymkent qalasynda (21,76) tirkeldi. Týý kórsetkishiniń negizgi úlesi 25-29 jas aralyǵyndaǵy áıelderge — 27%, sondaı-aq 30-34 jas aralyǵyndaǵy áıelderge — 26,1% tıesili.
— Byltyr 20 jasqa deıingi qyzdar 10,4 myń balany, al 50 jastan asqan áıelder 148 balany dúnıege ákelgen. 20 jasqa deıin bosanǵan analardyń sany Túrkistan oblysynda basym bolsa, 50 jastan asyp dúnıege nárse ákelgen analar sany Almaty qalasynda kóp, — delingen habarlamada.
Byltyr týǵan balalardyń 24% (79,8 myń bala) otbasynyń tuńǵyshy atansa, kezek sany boıynsha otbasynda tórtinshi bolyp 53,5 myńnan astam bala dúnıege kelgen (jalpy týylǵandardan 16%).
Buǵan deıin elimizde respýblıkalyq referendým kúni 585 bala dúnıege kelgenin jazǵanbyz.
Sonymen qatar, Aqtaýda referendým kúni týǵan sábıge Ata-Zań esimi qoıylǵan edi.
