Qazaqstanda tutynýshylyq nesıelerdi kóbinese jeke tulǵalar alady

ALMATY. QazAqparat - Birinshi nesıe bıýrosynyń atqarýshy dırektory Ásem Nurǵalıeva kóp azamattar nesıe tóleý boıynsha óz múmkindikterin asyra baǵalaıtynyn aıtty, dep habarlaıdy QazAqparat tilshisi.

«Men adamdarǵa únemi bir keńes aıtamyn. Nesıe alardan buryn eń aldymen rasymen nesıe kerek pe, sony anyqtap alý kerek. Bul jaǵdaıda jańa telefon, demalys jáne taǵy basqaǵa arnalǵan ımpýlsti nesıelerden bas tartqan durys. Sondaı-aq, nesıeni tóleı alasyz ba, soǵan kóz jetkizý kerek, sebebi, alǵashqyda adamdar óz múmkindikterin únemi asyra baǵalaıdy», - dedi ol.

Onyń aıtýynsha, eger qandaı da bir keshiktirý oryn alsa, onda adamdarǵa óz qarjylyq uıymdaryna júginip, nesıelik demalysty alýlary kerek.

Birinshi kredıttik bıýronyń Bas dırektory Rýslan Omarov tutynýshylyq kredıtti kóbinese jeke tulǵalar, ıaǵnı, 50%-dan astamy paıdalanatynyn atap ótti.

«Bul turmystyq tehnıkany bólip tóleýmen alý nemese telefon nesıesi jáne t.b.», - dedi spıker.

Eske salsaq, buǵan deıin Almatynyń 450 myńnan astam turǵynynda nesıe qaryzy bar ekenin jazǵanbyz.