Qazaqstanda tutynýshylardyń quqyqtarynyń qorǵalý deńgeıi anyqtaldy
«Qazaqstanda árbir azamat taýardy satyp alý nemese qyzmet alý kezinde qıyndyqtarǵa tap bolady. Sondyqtan tutynýshylardyń quqyqtaryn qorǵaý memleket pen qoǵamnyń mańyzdy mindetine aınaldy. 2020 jyly Tutynýshylardyń quqyqtaryn qorǵaý komıteti táýelsiz áleýmettik zertteý aıasynda tutynýshylyq quqyqtyń qorǵalý deńgeıin anyqtady», - delingen atalǵan komıtet baspasóz qyzmeti taratqan aqparatta.
Vedomstvo málimetinshe, táýelsiz zertteýge elimizdiń barlyq óńirinen 17 000 adam qatysty. Saýalnamaǵa sáıkes tutynýshylar úshin eń problemaly salalar - medıtsınalyq, kóliktik, bilim berý qyzmetteri, baılanys boldy. Respondentterdiń 29 paıyzy óz quqyqtaryn qorǵaý úshin memlekettik organdarǵa, taǵy 29 paıyzy zańgerlerge júginýge daıyn. Suralǵandardyń 24 paıyzy quqyqtaryn óz betinshe qorǵaıdy. Al 9 paıyz tutynýshylardyń qoǵamdyq birlestikterine jáne sotqa deıingi retteýdiń basqa sýbektilerine júginýdi qalaıdy.
Zertteý qorytyndysy boıynsha komıtet memlekettik organdarǵa tutynýshylardyń quqyqtaryn qorǵaýdyń barlyq baǵyttarynda túsindirý jumystaryn kúsheıtý boıynsha usynymdar ázirlegen.
«Komıtettiń strategııalyq mindeti – azamattyq qoǵamdy tutynýshylardyń quqyqtaryn qorǵaý protsesine neǵurlym belsendi tartýdy qamtamasyz etý. Bul kásipkerlerdi taýarlardyń sapasyn jáne bıznesti júrgizý mádenıetiniń deńgeıin arttyrýǵa yntalandyratyn bolady ári 2025 jylǵa qaraı tutynýshylardyń óz quqyqtaryn qorǵaýmen qanaǵattanýyn 67 paıyzdan 80 paıyzǵa deıin arttyrýǵa múmkindik beredi», - dep atap ótedi vedomstvodan.