Qazaqstanda tutynýshylardyń quqyqtaryn qorǵaýdyń jańa modeli jasaqtalady

ASTANA. QazAqparat - Qazaqstanda tutynýshylardyń quqyqtaryn qorǵaýdyń jańa modeli jasaqtalady. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde QR Tutynýshylar quqyǵyn qorǵaý agenttiginiń tóraǵasy Bolatbek Qýandyqov málim etti.

«Biz tutynýshylardyń quqyqtaryn qorǵaý júıesiniń jańa modelin jasaqtadyq. Bul «Tutynýshylar quqyqtaryn qorǵaý týraly» zańda tutynýshylardyń buzylǵan quqyqtaryn qaıta qalpyna keltirýdiń tetikteri naqty bolmaǵandyqtan jasalyp otyr. Qazirgi ýaqytta agenttik jetekshi álemdik tájirıbeniń negizinde «Tutynýshylar quqyqtaryn qorǵaý týraly» zań jobasynyń kontseptsııasyn qurýdy bastady», - dep atap ótti ol.

Onyń aıtýynsha, onda tutynýshylarǵa taýardy qaıtarý, aýystyrý jáne aqaýlardy jóndep berý, satýshylar men atqarýshylardyń mindetine qatysty erejeler naqtylanatyn bolady.

«Sondaı-aq tutynýshylardyń quqyqtaryn qorǵaýǵa qatysty memlekettik organdardyń mindetteri de naqty belgilenetin bolady», - dedi ol.