Qazaqstanda tutynýshy qorjyny 5 jyl saıyn ózgerip otyrýy tıis - T.Dúısenova
ASTANA. QazAqparat - Qazaqstanda tutynýshy qorjyny 5 jyl saıyn ózgerip otyrýy tıis. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń brıfıngisinde QR Eńbek jáne halyqty áleýmettik qorǵaý mınıstri Tamara Dúısenova málim etti.
«Biz álemde tutynýshy qorjynyn árbir 5 jyl saıyn ózgertý tájirıbesi baryn habarladyq. Qazirgi ýaqytta biz Qazaq taǵamtaný akademııasymen birge bul máseleni pysyqtadyq», - dedi mınıstr.
Onyń sózine qaraǵanda, áleýmettik standarttardyń eń tómengi deńgeıine qatysty zań jobasy jasaqtalýda. «Standarttardyń bazalyq kórsetkishi kúnkóristiń eń tómengi deńgeıi bolmaq», - dep atap ótti T.Dúısenova.
Aıta keteıik, búgingi tańda Qazaqstanda tutynýshy qorjyny 19 966 teńgeni qurap otyr.
