Qazaqstanda túsirilgen úreı týdyratyn fılm reseılik prokatqa alyndy
ASTANA. QazAqparat - Jas kınematografıster túsirgen «Túnekte» fılmi qazaqstandyq prokatqa shyqty, dep habarlaıdy QazAqparat tilshisi.
Stsenarıı avtory jáne fılmniń teń prodıýseri - Danııar Aqshabaev. Basty rólderde Danııar Beısov, Sábına Eralına, Rysqul Qonaqbaev, Parhat Jalılov, Maksım Bogomolov, Nazerke Ámirova, Almas Jarasqan oınaıdy. Sondaı-aq ibilistiń rólin Alban Kárimuly men Dııar Mirsadyqov somdaǵan.
Almatyda ótken fılmniń tusaýkeser kórsetiliminen keıin «QazAqparat» tilshisi kınotýyndyǵa qatysýshylarǵa birneshe saýal qoıyp, synǵa qalaı qaraıtyndyqtaryn bilgen bolatyn.
«Biz syndy da durys qabyldaımyz, bárine de daıynbyz. Bári de tamasha, sátti bolatyn rejısserler de bar. Biraq, bárinde olaı bola bermeıdi ǵoı. Biz qatelikten úırenemiz ári bul durys ta», - deıdi aktrısa Sabına Eralına.
«Árkimniń óz pikiri bar jáne biz ony qabyldaımyz»,- dep qostady áriptesin Rysqul Qonaqbaev.
Fılmdi prokattaýshy kompanııa qazirdiń ózine qazaqstandyq týyndyǵa Reseı tarapynan qyzyǵýshylyq bar ekendigin aıtty.
«Biz reseılik prokatqa shyǵýdy josparlap, iri jelilermen kelissózder júrgizýdemiz. Olar jumys materıaldy kórip shyqty jáne jyldyń sońyna deıin Reseıdiń 10 qalasynda kórsetýimizge múddelik tanytyp otyr»-, dedi fılmdi prokattaýshy kompanııanyń ókili Anna Darmodehına.
Aıta keterligi, bul fılm osy jyldyń 19 sáýirinde úlken ekranǵa jol tartý tıis bolatyn. Alaıda keıbir sebepterge baılanysty fılm búgin ǵana kórsetilip otyr.
Túsirilim toby Gollıvýd fılmderinen esh kem túspeıtin kıno túsirýge tyrysqan. Ideıa týyndaǵannan bastap, túsirilim jumystaryna deıin 2 jyl ýaqyt ótken. Negizgi epızodtar Almaarasan men Baým baǵynda túsirilgen.
Avtor: Albert Ahmetov
