Qazaqstanda túsik jasaýshylar sany azaıǵan

ALMATY. QazAqparat – Qazaqstanda jasóspirimder arasynda túsik jasaý sany azaıyp keledi. Bul týraly Ulttyq statıstıka bıýrosynyń baspasóz qyzmeti málim etti, dep habarlaıdy QazAqparat tilshisi.

Vedomstvonyń málimetine sáıkes, eger 2018 jyly 15 jasqa deıingi túsik jasatqan 27 jasóspirim bolsa, 2021 jyly bul kórsetkish 15-ke deıin tómendedi.

«Al 15-18 jas aralyǵyndaǵy jasóspirimder arasynda túsik túsirý sany shamaly kemigen. 2020 jyly 1122 jaǵdaı bolsa, 2021 jyly – 1094»,- dep habarlady baspasóz qyzmetinde.

Sonymen qatar, jasóspirim qyzdardyń týý kórsetkishi jyldan jylǵa tómendep keledi.

2021 jyly 15-18 jas arasyndaǵy qyzdar arasynda bul kórsetkish 1000 qyzǵa shaqqanda 23,8% jaǵdaıdy qurady. 2015 jylmen salystyrǵanda bul 7,2 jaǵdaıǵa az.

«Óńirler arasynda eń joǵary týý kórsetkishi Túrkistan (36,3), Mańǵystaý (36,2) jáne Jambyl (34,3) oblystarynda baıqalady. Jasóspirimder arasynda eń tómengi týý kórsetkishi Almaty (11,5) men Astana (12,8) qalalarynda»,- dep habarlady Ulttyq statıstıka bıýrosy.