Qazaqstanda túsik jasatý 30 paıyzǵa tómendedi - QR DSM
ASTANA. QazAqparat - Qazaqstanda sońǵy bes jylda túsik jasatý kólemi 30 paıyzǵa tómendedi. Bul týraly QazAqparattyń saýalyna jaýap berý kezinde QR Densaýlyq saqtaý mınıstrligi osy málimetterdi keltirdi.
«Sońǵy bes jylda reprodýktıvti jastaǵy 1000 áıelge shaqqanda Qazaqstanda túsik jasatý kórsetkishi 29,3 paıyzǵa tómendedi»,-delingen vedomstvo málimetinde. Vedomstvo derekterine qaraǵanda, sońǵy bes jylda jasóspirimder arasynda túsik jasatý jıiligi eki esege tómendedi. Sonymen qatar Ulttyq ana men bala ǵylymı ortalyǵynyń basqarma tóraǵasy Tamara Voşenkovanyń sózine qaraǵanda, bul kórsetkishtiń tómendeýi óz kezeginde túsik jasatý kezinde ana ólim-jitiminiń joıylýyna múmkindik berdi. 10 jyl buryn túsikten analar ólimi sebepterdiń alǵashqy úshtiginde bolsa, qazirgi kezde elimizde bul sebep múldem qarastyrylmaıdy. ıAǵnı, bundaı problemalar óte sırek kezdesedi. Osy oraıda T. Vaşenkova túsik jasatý kóleminiń azaıýýyn birinshi kezekte adamdardyń sana sezimine baılanystyryp otyr. Atap aıtqanda, adamdar ózderiniń densaýlyǵy men bolashaǵyna jaýapkershilikpen qaraı bastady.
