Qazaqstanda turmystyq zorlyq-zombylyq qurbandarynyń qorǵalýy álsiredi

ASTANA. QazAqparat - Jańa qylmystyq kodeks engizilgennen beri turmystyq zorlyq-zombylyq qurbandarynyń qorǵalýy álsiredi. Bul týral búgin QR Parlamenti Májilisinde qylmystyq-protsestik zańnamany odan ári jańǵyrtý taqyrybyndaǵy parlamenttik tyńdaýda QR Bas prokýrory Jaqyp Asanov málim etti, dep habarlaıdy QazAqparat.

Osy rette ol jańa zańnamanyń kemshilikteriniń biri retinde otbasylyq-turmystyq zorlyq-zombylyq salasyndaǵy máselege toqtaldy.

«Biz bul baǵytta eń tıimdi qadamdardy jasaǵymyz keldi. Soqqyǵa jyǵý ákimshilik quqyq buzýshylyqtan Qylmystyq kodekske aýystyryldy. Osy rette jazany qatańdatamyz dep oıladyq, alaıda zorlyq-zombylyq qurbandarynyń qorǵalýy álsirep qaldy»,-dedi Bas prokýror.

Óz kezeginde tilshilerge bergen suhbatynda QR Іshki ister mınıstri Qalmuhambet Qasymov búginde turmystyq qylmystar boıynsha tájirıbe júzinde jaqsy atqarylǵan kóptegen daǵdylar myńyzyn joıyp alǵanyn jetkizdi.

«Sebebi, otbasyndaǵy soqqyǵa jyǵý, urys-keris qylmystyq teris qylyqqa aýystyryldy. ıAǵnı, kez kelgen janjal men oqıǵa sot ınstantsııalaryna kóshirildi. Endi jábirlenýshi óz kúshimen kináliniń aıybyn dáleldeýi tıis. Polıtsııa bul máselede tysqary qalyp qoıdy. Bul rette turmystyq qylmystar, sonymen qatar turmystyq turǵyda adam óltirý deńgeıiniń ósimi oryn aldy»,-dedi mınıstr.

Osy oraıda Qasymov jańa zańnamaǵa sáıkes, otbasynda janjalqoı adamdardy úsh saǵattan artyq ustaýǵa bolmaıtynyn atap ótti.

«Úsh saǵattyń ishinde ol ishimdikten aıyǵyp ta úlgermeıdi. Bosatqannan keıin de ol úıine baryp, janjaldy jalǵastyrady. Bul turǵyda tájirıbe júzinde kemshilik bar»,-dedi QR ІІM basshysy.