Zorlyq-zombylyqtan zardap shekken 100 myńǵa jýyq áıel polıtsııaǵa júgingen
ASTANA. KAZINFORM — Qazaqstanda turmystyq zorlyq-zombylyqtyń aldyn alý sharalary kúsheıtilýde, dep habarlaıdy Úkimettiń baspasóz qyzmeti.
2024 jyly ishki ister organdaryna otbasyndaǵy zorlyq-zombylyq jaǵdaılary týraly 100 myńǵa jýyq habarlama kelip tústi. ІІM 72 myń shekteıtin qorǵanys uıǵarymdaryn berdi.
Elimizde zardap shekken áıelder men balalarǵa kómek kórsetetin 69 daǵdarys ortalyǵy jumys isteıdi. Jyl basynan beri osyndaı ortalyqtarǵa 5,5 myń áıel júgindi, onyń 3,7 myńy balaly áıel.
— Júıeli jumys qazirdiń ózinde nátıje berýde. Sońǵy bes jylda áıelderge qatysty qylmystar sany eki esege qysqardy, onyń ishinde zorlyq-zombylyq qylmystary 37,9%-ǵa, kisi óltirý — 49,3%-ǵa, aýyr dene jaraqatyn keltirý — 8,7%-ǵa azaıǵan. Bul zardap shekkenderdi qorǵaýǵa jáne qoldaýǵa baǵyttalǵan keshendi sharalardyń tıimdiligin aıǵaqtaıdy, — delingen habarlamada.
Eske salsaq, buǵan deıin Aqtóbede turmystyq jaljal kezinde bıyl 4 adam kóz jumǵanyn jazdyq.