Qazaqstanda túrmedegi adamdar sany 2 esege jýyq azaıdy

NUR-SULTAN. QazAqparat - Sońǵy 9 jylda Qazaqstanda túrme turǵyndarynyń sany 2 esege jýyq azaıdy. Bul týraly QR Іshki ister mınıstrligi Qylmystyq atqarý júıesi komıtetiniń tóraǵasy, polıtsııa polkovnıgi Janat Eshmaǵambetov aıtty, dep habarlaıdy QazAqparat tilshisi.

Janat Eshmaǵambetovtyń aıtýynsha, qylmystyq saıasatty izgilendirýdiń arqasynda sońǵy 9 jyldyń ishinde túrme turǵyndarynyń sany is júzinde 2 esege jýyq, 57 myńnan 30 myńǵa deıin tómendedi.

Búginde elimizdiń penıtentsıarlyq júıesinde 82 myń mekeme bar. Olarda 30 myńnan astam sotalýshy jáne tergeý barysynda tutqynǵa alynǵan adamdar otyrady.

«Atap aıtqanda, 66 kalonııada rejımniń ár túrimen shamamen 25 myń adam ustalady jáne 16 tergeý ornynda 5 myńnan astam tergeýi barysynda tutqynǵa alynǵan adam otyr», - dedi Janat Eshmaǵambetov.

QAJ komıtetiniń tóraǵasy qylmystyq-atqarý júıesin jandandyrýǵa qatysty birqatar mindetterdiń iske asyrylý barysy týraly da aıtty.

«Qazirgi ýaqytta penıtentsıarlyq júıeni jandandyrý boıynsha maqsatty jumystar atqarylyp jatyr. Memleket basshysynyń sońǵy Qazaqstan halqyna Joldaýynda bizge birqatar tapsyrlamalar júktelgen. Sol mindetterdi iske asyrý aıasynda QAJ mekemelerine jappaı beınebaqylaý júıesin ornatý boıynsha máseleler pysyqtalyp jatyr. Bul óz kezeginde kolonııalardaǵy jaǵdaıdy ýaqytyly baqylaýdy qamtamasyz etedi jáne sottalǵandardyń, sondaı-aq qyzmetkerlerdiń tarapynan oryn alýy múmkin buzýshylyqtardyń aldyn alýǵa yqpal etedi», deıdi Janat Eshmaǵambetov.