Qazaqstanda túrmede otyrǵan azamattardyń sany 3 myń adamǵa qysqardy
ASTANA. QazAqparat - Taldaý aǵymdaǵy jyldyń basynan beri respýblıkada túrmede otyrǵan azamattar sanynyń aıtarlyqtaı azaıǵany baıqalatynyn kórsetken, dep habarlaıdy QR ІІM Qylmystyq-atqarý júıesiniń baspasóz qyzmetinen.
Bul aqparat QAJ Komıtetiniń tóraǵasy, ádilet general-maıory Baýyrjan Berdalınniń qatysýymen ótken respýblıkalyq penıtentsıarlyq júıesi vedomstvosynyń ortalyq apparaty basshylarynyń keńesi kezinde aıtyldy.
Keńestiń basty taqyryby - 2015 jyldyń 1 qańtarynda zańdyq kúshine engen jańa QR Qylmystyq jáne Qylmystyq-atqarý kodeksterin tájirıbede iske asyrý.
Osylaısha, jańa qylmystyq-atqarý zańnamasyn iske asyrý aıasynda jyl basynan beri 7 219 materıal qaralyp, sonyń qorytyndylary boıynsha bas bostandyǵynan aıyrý oryndarynan 200-ge jýyq adam bosatylǵan, 700-ge jýyq adamnyń jazasyn óteý merzimderi qysqartyldy.
Budan basqa, júkti áıelderdi, kishkentaı balalary bar áıelder, kishkentaı balalaryn jalǵyz tárbıelep júrgen er adamdar, 58 jastaǵy áıelder men 63 jáne odan kóp jastaǵy er adamdardy shartty túrde merzimnen buryn bosatý múmkindigi qarastyrylyp otyr.
Jańa qylmystyq-atqarý zańnamasyn iske asyrýdyń nátıjesinde 2015 jyldyń 1 mamyrynda respýblıka boıynsha arnaıy kontıngenttiń jalpy sany ótken jyldyń osyndaı kezeńimen salystyrǵanda 3 100 adamǵa azaıǵan.
