Qazaqstanda túrli erejelerdi buzǵany úshin taǵy 9 tehnıkalyq baıqaý ortalyǵy jabyldy
ASTANA. 30 mamyr. QazAqparat - Qazaqstanda 2013 jylǵy 17 sáýirden bastap avtokólik quralyn tehnıkalyq baıqaýdan ótkizý tártibin buzǵany úshin 9 tehnıkalyq baıqaý ortalyǵy tizilimnen shyǵaryldy, dep habarlady primeminister.kz saıty QR Kólik jáne kommýnıkatsııa mınıstrliginiń baspasóz qyzmetine silteme jasap.
«2013 jylǵy 17 sáýirden bastap avtokólik quralyn tehnıkalyq baıqaýdan ótkizý tártibin buzǵany úshin 9 tehnıkalyq baıqaý ortalyǵy tizilimnen shyǵaryldy. Anyqtalǵan buzýshylyqtar qatarynda negizinen avtomobıldiń tehnıkalyq jaǵdaıyna sáıkes kelmeıtin parametrler kórsetilgen dıagnostıkalyq kartochkalardyń berilýi jáne mindetti tehnıkalyq baıqaýdan ótý merziminiń kestesin buzý faktileri kezdesedi», - delingen habarlamada.
Osylaısha, uqsas buzýshylyqtarǵa jol bergeni úshin aǵymdaǵy jyldyń basynan beri 17 tehnıkalyq baıqaý ortalyǵy tizilimnen shyǵarylǵan bolatyn.
Ári qaraı, Komıtet TBO-ǵa júıeli túrde tekserýler júrgizýdi josparlap otyr. Buzýshylyqtar anyqtalǵan jaǵdaıda ortalyqtarǵa aıyppul salynatyn bolady, al buzýshylyqtar qaıtalanǵan jaǵdaıda olar atalǵan qyzmetpen aınalysý quqyǵynan aıyrylady.
Budan ózge, Ákimshilik quqyq buzýshylyq jónindegi QR Kodeksine tolyqtyrýlar engizý arqyly TBO-lardyń mindetti tehnıkalyq tekserý júrgizý barysynda jibergen buzýshylyqtary úshin ákimshilik jaýapkershilikti kúsheıtý kózdelgenin jetkizdi.
Búgingi kúni Qazaqstanda barlyǵy 336 TBO jáne 685 tehnıkalyq baıqaý jelisi jumys isteıdi, onyń 387-si statsıonarlyq, 298-i mobıldik.
