Qazaqstanda turlaýy ketken aýyldardan 2,7 myń otbasy qonys aýdardy

ASTANA. 22 mamyr. QazAqparat - Qazaqstanda turlaýy ketken aýyldardan 2,7 myń otbasy qonys aýdardy. Bul týraly búgin 6-shy Astana ekonomıkalyq forýmy aıasynda ótken «Jahandyq jumyssyzdyq: sheshimderdiń keshendi joldary» atty sessııada QR Eńbek jáne halyqty áleýmettik qorǵaý mınıstri Serik Ábdenov aıtty.

Onyń atap ótýinshe, jumys kúshterin ekonomıkalyq belsendi óńirlerge qonystandyrý «Jumyspen qamtý-2020» baǵdarlamasynyń úshinshi baǵyty aıasynda júzege asyryldy. «Qonys aýdarǵan azamattardyń otbasylyq quramynyń jalpy sany 9,8 myń adamdy quraıdy», - dedi ol.

Sonymen qatar mınıstr ótken jyldan bastap baǵdarlamanyń jańa tórtinshi baǵyty «aýyldyq eldi mekenderdi damytý» júzege asyryla bastaǵandyǵyn atap ótti.

«Bul baǵyttyń aıasynda 565 joba júzege asyryldy. Aýyldyq jerlerde 7,3 myń jumys orny quryldy», - dedi S.Ábdenov.

Aıta keteıik, sessııa jumysyna elimizdiń atqarýshy jáne ortalyq organdarynyń, halyqaralyq uıymdardyń ókilderi, Nobel syılyǵynyń laýreattary, TMD elderiniń eńbek mınıstrleri qatysty.