Qazaqstanda túrkitildes halyqtarǵa arnalǵan tuńǵysh áleýmettik jeli iske qosyldy
ASTANA. QazAqparat - Búgin Qaznette túrkitildes halyqtarǵa arnalǵan «Turkiler.com» atty tuńǵysh áleýmettik jeli iske qosyldy. Bul týraly atalǵan portaldyń ákimshiligi habarlap otyr.
Mádenı-tanymdyq portalda túrki halyqtarynyń tarıhyn, mádenıetin, salt-dástúrin tanyp-bilýge, sondaı-aq túrli elderdiń azamattarymen tanysyp, dostyq qarym-qatynas ornatýǵa múmkindik bar.
Jobanyń negizgi maqsaty - túrki álemimen tanysýǵa da, odan ári túrkologııany tereńdetip zertteýge de múmkindik beretin saıt qalyptastyrý.
Saıt jasaýshylardyń aıtýynsha, «Turkiler.com» saıtyn jasaý ıdeıasy Memleket basshysy Nursultan Nazarbaevtyń barlyq túrkilerdiń mádenıetin toǵystyrý qajet degen pikirin bildirgen soń týyndaǵan.
Aıta ketý kerek, saıt ázirshe beta-nusqada ǵana.
