Qazaqstanda Túrki mádenıeti qorymen birlesken jobalar iske asyrylady

ASTANA. QazAqparat - 22 aqpan kúni Túrki akademııasy halyqaralyq uıymynyń (TWESCO) basshysy Darhan Qydyráli Túrki mádenıeti men murasy qorynyń prezıdenti Gúnaı Efendıevamen jáne Ázerbaıjannyń Qazaqstandaǵy elshisi Rashad Mammadovpen kezdesti, dep habarlaıdy QazAqparat.

TWESCO saıtynda atap ótilgendeı, Akademııa basshysy qonaqtardy uıymnyń qyzmeti, júzege asyrylǵan jobalar jáne keleshek josparlar jóninde habardar etti.

Elý myńnan astam kitap qory bar Túrki kitaphanasymen jáne Túrki mýzeıimen tanystyrdy. 

Sondaı-aq meımandarǵa Túrki akademııasy basyp shyǵarǵan ǵylymı eńbekterdi tartý etti.

TWESCO jumysyna qyzyǵýshylyq tanytqan G.Efendıeva óz kezeginde túrkitildes halyqtardyń rýhanı murasyn damytý baǵytynda ózara qarym-qatynastardy tereńdetýge nıet bildirdi.

Ekijaqty yqpaldastyq máseleleri talqylanǵan kezdesý nátıjesinde taraptar mádenı-gýmanıtarlyq salalarda birlesken ortaq jobalar júrgizý týraly ýaǵdalasty.

Aıta ketý kerek, Túrki mádenıeti men murasy qory 2009 jyly Ázerbaıjan Respýblıkasynyń Nahchyvan qalasynda ótken Túrkitildes elderdiń memleket basshylarynyń ІH Sammıtiniń sheshimine sáıkes 2015 jyly qurylǵan halyqaralyq uıym. Shtab-páteri Baký qalasynda ornalasqan Qordyń negizgi maqsaty: túrki mádenıeti men murasyn qorǵaý, zertteý jáne damytý.