Qazaqstanda týrızmge tartylǵan ınvestıtsııalar 1,2 trln teńgeden asty
ASTANA. KAZINFORM — Byltyrǵy jyldyń qorytyndysy boıynsha Qazaqstanda týrızm salasynyń negizgi kórsetkishteriniń ósýi baıqaldy. Bul týraly OKQ alańynda QR TSM Týrızm ındýstrııasy komıteti tóraǵasynyń m. a. Nurbol Baıjanov málim etti.
Onyń málimetinshe, qonaq úılerge ornalastyrylǵan ishki týrıster sany 8,6 mln adamdy qurap, 2024 jyldyń sáıkes kezeńimen salystyrǵanda 700 myń adamǵa artqan. Qonaq úı qyzmetterin paıdalanǵan sheteldik týrıster sany 1,4 mln adamǵa jetip, 130 myń adamǵa kóbeıgen.
— Jalpy, ártúrli týrıstik maqsattarmen elimizge 15,7 mln sheteldik azamat keldi. Bul kórsetkishke jumys isteýge nemese turaqty turýǵa kelgen azamattar kirmeıdi. Olardyń ishinde 11,1 mln adam sheteldik týrıster retinde jikteledi. Ornalastyrý oryndarynyń jıyntyq tabysy 350 mlrd teńgeden asady, ósim — 50 mlrd teńgeden astam. Ornalastyrý oryndarynyń sany 4 482 birlikke jetti, — dedi spıker baspasóz konferentsııasy barysynda.
Sonymen qatar, 2025 jyly týrızm salasyna tartylǵan ınvestıtsııalar kólemi 2024 jyldyń sáıkes kezeńimen salystyrǵanda 30%-dan artyq bolǵan, jalpy somasy 1,256 trln teńgeni qurady.
Qazaqstan týrızmdi qoldaýdy kúsheıtedi jańa zań sala men týrıster úshin neni ózgertetinin myna siltemeden oqyńyz.
