Qazaqstanda týrızmge salynǵan ınvestıtsııa kólemi 20,3%-ǵa artty

ASTANA. KAZINFORM - 2024 jyly elimizde týrızm salasyndaǵy negizgi kapıtalǵa salynǵan ınvestıtsııalar kólemi 947,5 mlrd teńgeni qurady.

QR Týrızm jáne sport mınıstrligi baspasózó qyzmetiniń habarlaýynsha, bul 2023 jylmen salystyrǵanda 20,3%-ǵa kóp (787,3 mlrd teńge). 2022 jyly bul kórsetkish 513 mlrd teńgeni quraǵan.

Investıtsııalar ósimi 15 óńirde baıqaldy, eń joǵary kórsetkishter tirkelgen óńirler:

Batys Qazaqstan oblysy – 196,2%-ǵa ósti (26 mlrd tg);
Ulytaý oblysy – 84,2%-ǵa ósti (4,7 mlrd tg);
Qyzylorda oblysy – 63%-ǵa ósti (33,7 mlrd tg);
Túrkistan oblysy – 45,6%-ǵa ósti (81,2 mlrd tg);
Atyraý oblysy – 31,3%-ǵa ósti (23,5 mlrd tg).

- Bul derekter óńirlerdegi týrıstik ınfraqurylymnyń qarqyndy damyp jatqanyn jáne ınvestıtsııalyq tartymdylyqtyń artyp kele jatqanyn kórsetedi, - delingen habarlamada.

Osyǵan deıin Almatyda týrızm salasynan túsken salyq túsimi eki esege artqany týraly jazdyq.