Qazaqstanda týrızmdi nasıhattaıtyn jańa telearna ashylady
ALMATY. 20 qyrkúıek. QazAqparat - Qazaqstanda jaqyn arada belsendi ómir salty men halyqtyń demalysyna, salaýatty ómir saltyn nasıhattaýǵa, jergilikti týrızmdi dáripteýge, dástúrli emes sportqa, sondaı-aq, halyqtyń tabıǵatqa qatysty mádenıet deńgeıin kóterýge arnalǵan alǵashqy telearna ashylady.
«Turan» dep atalatyn bul arna efıriniń 80 paıyzyn ózi shyǵarǵan habarlarmen, al 20 paıyzyn derekti jáne kórkem fılmder quramaq.
«Telearnanyń kontenti ańshylyq, balyq aýlaý, qarý jáne avtokólik sekildi erlerdiń naǵyz ermegine beı-jaı qaramaıtyndar úshin qyzyqty bolmaq. Sonymen birge, qaıyrymdylyq, iltıpattyq, janýarlarǵa degen súıispenshilik, qorshaǵan ortanyń qalaı ómir súretinin túsiný sekildi bizdiń árqaısymyzdyń boıymyzdaǵy úzdik sapalardy ashyp kórsetedi», - deıdi «Turan-TV» telearnasynyń bas dırektory Roman Botabekov.
Onyń aıtýynsha, kórermender aýdıtorııasyn barynsha tolyq qamtý úshin qazaqstandyq kabeldik operatorlar jelisinde, sondaı-aq ınternet jelisinde habarlardy qatar taratý josparlap otyr. Bul árbir qazaqstandyqqa ózine yńǵaıly ýaqytta, álemniń kez kelgen núktesinde olardyń televızııalyq ónimin tamashalaýǵa múmkindik beredi.
