Qazaqstanda týrızmdi damytýǵa den qoıǵan ákimderdiń reıtıngin jasaý usynyldy

ASTANA. QazAqparat - Mádenıet jáne sport vıtse-mınıstri Erlan Qojaǵapanov Úkimet otyrysynda Qazaqstanda týrızmdi damytý boıynsha oblys ákimderiniń reıtıngin jasaýdy usyndy, dep habarlaıdy «QazAqparat» HAA tilshisi.

««Rýhanı jańǵyrý» baǵdarlamasyn júzege asyrýǵa baılanysty biz «Qazaqstannyń qasıetti geografııasy» arnaıy jobasyn júzege asyryp jatyrmyz. QR Ulttyq mýzeıi janynda «Qasıetti Qazaqstan» ortalyǵy jumys istep tur. 10 aılyq tynymsyz jumystyń arqasynda kıeli jerlerdiń tizimi bekitilip, jalpyulttyq 183, jergilikti deńgeıde 520 oryn tańdalyp alyndy. «Kıeli Qazaqstan» entsıklopedııasynyń birinshi tomy jaryqqa shyǵyp, árbir nysan boıynsha týr jasaý úshin ınteraktıvti-vırtýaldy karta ázirlendi», - deıdi vıtse-mınıstr.

Erlan Qojaǵapanovtyń aıtýynsha, VVS kanaly 4 derekti fılm - «Altyn adam», «Qoja Ahmet ıAssaýı jáne Aısha bıbi keseneleri», «Qasıetti Qazaqstan», «Kóshpendilerdiń jeri» týyndylaryn túsirgen. Ol týyndylar «Dıskoverı», «Vıasat Hıstorı» jáne «Neıshnl Geografık» kanaldarynda kórsetiledi.

«Baqytjan Ábdiruly bizdiń kelesi mindetimiz - álemdik birlestik aldynda Qazaqstannyń tanymaldylyǵyn arttyrý, ishki jáne kóshpeli týrızmniń ınfraqurylymyn damytý. Tuńǵysh ret týrızm sektory ulttyq ekonomıkanyń draıveri retinde engizildi. Osyǵan baılanysty biz oblys ákimderiniń týrızmdi damytý boıynsha reıtıngin engizýdi usynamyz. Kóshpeli jáne ishki týrızmdi damytý úshin olarǵa bes talap qoıylady. Onyń ishine óńirlerge týrısterdiń aǵylýy, qonaq úılerdiń tolymdylyǵy, úshinshiden týrızmge bólinetin qarjy, tórtinshi atalǵan bıýdjetti ıgerý, besinshi - týrıstik baǵyttan túsetin salyqtyń mólsheri»,  - dep túıdi sózin vıtse-mınıstr.