Qazaqstanda týrızm salasyn memlekettik qoldaý tetikteri jetildiriledi
QR Mádenıet jáne sport mınıstrliginiń týrızmdi damytý máseleleri jónindegi keńeıtilgen alqa otyrysynda T. Amanbaev 2021 jyly 30 sáýirde Týrıstik qyzmet týraly jańa zań qabyldanǵanyn, onda ulttyq kompanııanyń quzyreti bekitilgenin jáne týrızm úshin memlekettik qoldaýdyń jańa yntalandyrý sharalary qarastyrylǵanyn atap ótti.
Máselen, balalardyń ushaqpen tegin ushýyn sýbsıdııalaıtyn «Kids Go Free» baǵdarlamasyna Kazakh Tourism ákimshilik etedi.
Sonymen qatar, Kazakh Tourism kompanııasynyń jobalyq keńsesi erejelerin jazýǵa jáne jobalaryn bekitýge qatysqan.
Budan basqa, kompanııa mınıstrliktiń front-ofısi retinde qoǵamda osy sharalardy túsindirý boıynsha aqparattyq jumys júrgizedi.
«Bıyl 1 qańtardan bastap týrıstik salanyń bıznes sýbektileri úshin memlekettik qoldaýdyń barlyq sharalary iske qosyldy. Biz qazirdiń ózinde qoldaý sharalarynyń tetikterin jetildirý boıynsha óńirler men naryq arasynda keri baılanys ornattyq», - dedi Talǵat Amanbaev.
Aıta keteıik, 2021 jylǵy 30 sáýirde Prezıdent Týrıstik qyzmet týraly zańǵa túzetýlerge qol qoıdy, onda 2022 jylǵy 1 qańtardan bastap memlekettik qoldaýdyń jańa 7 sharasy kózdelgen.
Qazir Kids go free – balalardyń týrpaket aıasynda tegin ushýy baǵdarlamasyn bastaý týraly aqparat júrip jatyr.
Odan basqa, sanıtarlyq-gıgıenalyq toraptardy kútip-ustaýdy sýbsıdııalaý; avtobýstardy satyp alý kezindegi shyǵyndardy óteý bastamasy bar.
ıAǵnı, týroperator, týragent nemese gıd avtobýs satyp ala alady jáne ınvestıtsııalyq shyǵyndardyń 25%-yn memleket óteıdi.
Týrıstik qyzmet nysandaryn – qonaq úılerdi, hostelderdi, kempıngterdi jáne basqa da nysandardy salý kezinde memleket ınvestıtsııalyq shyǵyndardyń 10%-yn óteıdi.
Jol boıyndaǵy servıs obektilerin salý kezinde ınvestıtsııalyq shyǵyndardy sýbsıdııalaý baǵdarlamasy iske qosyldy.
