Qazaqstanda týrızm mamandyǵyn oqytý formaty ózgerdi

ASTANA. KAZINFORM – Týrızm mamandyǵyna túsken stýdentter bakalavr dárejesin 3 jyldyń ishinde alyp shyǵady. Bul týraly Týrızm jáne sport mınıstri Erbol Myrzabosynov málim etti.

- Kadr daıarlaý boıynsha halyqaralyq týrızm jáne meımandostyq ýnıversıteti Qazaqstanda alǵashqylardyń biri bolyp trımestrlik oqý júıesin engizdi. Bul format stýdentterge bakalavr dárejesin 3 jyl ishinde alady, ıaǵnı oqý merzimin tıimdi qysqartýǵa múmkindik beredi. Oqý úderisinde dýaldy oqytý modeli tabysty iske asyrylyp jatyr. Bul degenimiz oqý protsesiniń 60%y – óndiristegi tájirıbeden, 40%-y ýnıversıtette teorııalyq bilimnen turady, - dedi Erbol Myrzabosynov Úkimet otyrysynda.

Sondaı-aq mınıstr ýnıversıtette bıznes-protsesterdi tsıfrlandyrý júıeli túrde júzege asyrylyp jatqanyn aıtyp otyr. Sonyń bir kórinisi – mýltımedıalyq stýdııanyń ashylýy.

- Oqý úderisi aqparattyq júıede tolyq tsıfrlandyryldy. Stýdentti tirkeýden bastap, baǵalaý men úlgerimdi baqylaýǵa deıingi barlyq qyzmet biriktirilgen. Qabyldanǵan sharalardyń nátıjesinde byltyr ýnıversıtetti bitirgen 460 stýdenttiń 92,8%-y (428 túlek) óz mamandyǵy boıynsha jumysqa turdy, - deıdi vedomstvo basshysy.

Buǵan deıin elimizde gıd mamandaryn daıarlaýy múmkin ekendigi týraly habarlaǵan edik. 

Odan bólek, Týrızm jáne sport mınıstri elimizge kelip aldanyp qalatyn sheteldik týrıster máselesin sheshý joldaryn atady. 

Aıta keteıik, elimizde týrısterge arnalǵan, jasandy ıntellektige negizdelgen TravelStan mobıldi qosymsha ázirlenedi.