Qazaqstanda Týrızm ındýstrııasy komıteti qysqartylady
ASTANA. QazAqparat - Memlekettik basqarý júıesin jańǵyrtý jáne tıimdiligin arttyrý, memlekettik apparatty ońtaılandyrý maqsatynda QR Indýstrııa jáne jańa tehnologııalar mınıstrliginiń Týrızm ındýstrııasy komıteti qysqartylady.
Onyń ornyna QR Investıtsııalar jáne damý mınıstrliginiń Týrızm departamenti qurylady, dep habarlady komıtettiń baspasóz qyzmetinen.
Úkimet qaýlysynyń sáıkesinshe jobasy bıýdjettik josparlaý salasyndaǵy ókiletti organdarǵa kelisýge jiberilgen.
2014 jyldyń 6 tamyzynda ótken Úkimettiń keńeıtilgen otyrysynda elbasy N.Nazarbaev mınıstrlikterdiń bólimsheleri joq komıtetterin ońtaılandyryp, komıtet qurý jumystaryn júrgizýdi tapsyrǵan bolatyn.
Týrızm ındýstrııa komıteti basshylyǵy qaıta uıymdastyrý kezeńinde óz jumystaryn odan ary jalǵastyrýda.
Komıtet tóraǵasy Marat Iǵalıevtiń atap ótýinshe, eldegi týrızmdi damytý boıynsha barlyq mindetter men josparlar odan ary jalǵasatyn bolady.
