Qazaqstanda týrıstik nysandardyń kartasy keńeıtildi

ASTANA. KAZINFORM – Elimizde 102 týrıstik nysan bolsa, jańa kartada olardyń sany 186-ǵa ulǵaıdy.

2025 jylǵy 28 naýryzdaǵy Týrızm jáne sport mınıstriniń buıryǵymen týrıstıfıkatsııa kartasyna ózgerister engizildi. Buıryq 2025 jylǵy 14 sáýirden bastap kúshine enedi.

Buıryqqa sáıkes, respýblıkalyq deńgeıdegi týrıstik aýmaqtarǵa buryn 33 nysan kirse, qazir olardyń sany 44-ke jetti, olardyń qatarynda: 

- Almaty oblysyndaǵy «Sokol» sporttyq-tehnıkalyq kesheni; 

- Shyǵys Qazaqstan oblysyndaǵy Sibe kólderi; 

- Shyǵys Qazaqstan oblysyndaǵy Marqakól kóli; 

- Qyzylorda oblysyndaǵy «Baıqońyr» ǵarysh aılaǵy; 

- Qyzylorda oblysyndaǵy ejelgi Syǵanaq qalasy; 

- Qyzylorda oblysyndaǵy «Geopark Aral»; 

- Mańǵystaý oblysyndaǵy «Kendirli» kýrorttyq aımaǵy; 

- Túrkistan oblysyndaǵy «Saryaǵash» kýrorttyq aımaǵy; 

- Túrkistan oblysyndaǵy «Aqmeshit» úńgiri; 

- Túrkistan oblysyndaǵy «Aqsý» shatqaly. 

Sonymen qatar, óńirlik deńgeıdegi týrıstik aýmaqtardyń da tizimi aıtarlyqtaı keńeıtildi. Osylaısha óńirlik deńgeıde 142 týrıstik nysan bar.

Týrıstik nysandardyń tolyq tizimimen siltemege ótip tanysýǵa bolady.