Qazaqstanda týrıstik polıtsııa qurylady
Jaqynda bergen suhbatynda Erlan Qojaǵapanov Qytaı, Úndistan eliniń týrısteri Qazaqstanǵa sulýlyq baıqaýlaryn tamashalaýǵa keletinin málim etken bolatyn. Bul əńgimeniń əleýmettik jelide birshama talqylanǵany belgili.
«Sulýlyq baıqaýy, ulttyq sport týrnıri, gastronomııalyq festıval nemese mýzykalyq is-shara bolsyn, saýatty uıymdastyrý jáne durys marketıng bolsa, syrttan keletin jáne óz elimizdegi kóptegen týrısterdi tartýǵa qabiletti. Sondyqtan, «Mıss Qazaqstan» - ádemi jáne qonaqjaı adamdar turatyn el retinde Qazaqstandy ilgeriletýdiń bir tásili», - deıdi vıtse-mınıstr.
Erlan Qojaǵapanov óz sózinde áleýmettik jelidegi osy taqyryptaǵy túrli oılardan habardar ekenin bildirdi.
«Eger teris oımen aqparat izdeseńiz, ony barlyq jaǵdaıdan tabýǵa bolady. Mundaı stereotıpterden arylý kerek. Eger jalpy kelip jatqan týrısterdiń arasynda teris pıǵyldy týrıst bolsa, bul búkil sol óńir úshin shekarany jabý kerek degen sóz emes. Mundaı jaǵdaılardyń aldyn alyp, elimizdiń ondaı ımıdjben tanylýyna jol bermeý kerek. Týrıstik salany damytýǵa jaýap beretin vedomstvo atynan resmı málimdeımin: bizdiń elimizdi óziniń arsyz pıǵylyn iske asyrýǵa paıdalanýdy kózdegen kez kelgen azamat qatań qýdalanady jáne ondaı teris pıǵyldy adamdar zań boıynsha jazalanyp, elden qýylatynyn eske salǵym keledi», - deıdi ol.
Vıtse-mınıstrdiń sózinshe, bul jumyspen Іshki ister mınıstrligi men jańadan qurylatyn týrıstik polıtsııa aınalysady.