Qazaqstanda turǵyndary az aýyldarda 600 jyljymaly kitapxana qyzmet kórsetýde
Bul týraly búgin Ortalyq kommýnıkatsııalar qyzmetinde ótken brıfıngte QR MSM Mádenıet jáne óner isteri departamenti dırektorynyń orynbasary Ermek Rahımov málim etti.
Brıfıng barysynda Ermek Rahımov aıtyp ketkendeı, búgingi tańda elimizde 11423 kitaphana jumys isteıdi. Olardyń ishinde: 4122 - mádenıet salasyndaǵy kitaphanalar, bilim jáne ǵylym salasynda 7186 jáne 115 kitaphana ózge júıeler men vedomstvolarǵa qaraıdy. Halqy az, statsıonarlyq kitapxana pýnkteri joq eldi mekenderde 2335 kitapxana pýnkteri jáne 617 jyljymaly kitapxana qyzmet etedi.
«Turǵyn sany az aýyldarǵa jyljymaly kitapxanalar jiberiledi. Olar "BıblıoBus" dep atalady. Turaqty túrde jumys jasap keledi. Qyzmetterin xalyq jaqsy tutynyp jatyr. Bul jergilikti atqarýshy bıliktiń uıymdastyrýymen ótedi», - dedi Qazaqstan Respýblıkasy Mádenıet jáne sport mınıstrliginiń ókili.
Onyń aqparatyna qaraǵanda respýblıkada kitaphana qolanýshylaryna qyzmet kórsetýdiń, sonyń ishinde dástúrli formalarymen qosa aqparattyq tehnologııalar qoldanylady. Mádenıet salasyndaǵy 1019 kitaphana oqyrmandarǵa qyzmet kórsetýde túrli avtomattandyrylǵan baǵdarlamalardy paıdalanady. QR Ulttyq kitaphanasy men oblystyq ǵylymı-tehnıkalyq kitaphanalarda barlyq tehnologııalyq úrdister avtomattandyrylǵan.
Sonymen qatar Ermek Rahımov statıstıkalyq málimetterge qaraǵanda 2015 jyldyń qorytyndylary boıynsha Mádenıet jáne sport mınıstrliginiń kitaphanalar júıesiniń elektrondy derekter qory 13 265 639 bıblıografııalyq jazbalardan turyp, sonyń ishinde 3 506 852 jazba Internet jelisi arqyly qol jetimdi bolyp tabylady.
«2007 jyly QR Prezıdenti Nursultan Nazarbaevtyń tapsyrmasymen "QazUEK" - Qazaqstandyq Ulttyq Elektrondyq Kitapxana jobasy sátti júzege asyrylyp otyr. QazUEK arqasynda qazaqstandyqtar ǵana emes, barsha álem oqyrmandary Qazaqstan ádebıetinen sýsyndaýda. Búginde respýblıka boıynsha 157 myń qujat ataýy, sonyń ishinde 142 qazaq tilinde, sandyq formatqa aýdaryldy», - dedi ol.
