Qazaqstanda turǵyn úı satyp alý-satý naryǵy 5,6 paıyzǵa tómendedi
NUR-SULTAN. QazAqparat - 2020 jyldyń 11 aıynda elimizde turǵyn úıdi satyp alý-satýdyń 275 857 mámilesi jasaldy, dep habarlaıdy QazAqparat tilshisi.
QR Strategııalyq josparlaý jáne reformalar agenttigine qarasty Ulttyq statıstıka bıýrosynyń keltirgen málimetinshe, osy jyldyń qarashasynda turǵyn úıdi satyp alý-satýdyń tirkelgen mámileleriniń sany 29 958 boldy. Buǵan qosa, qarashada qazanmen salystyrǵanda mundaı mámile sany 9 paıyzǵa kemip otyr. Al 2020 jylǵy qańtar-qarashadaǵy turǵyn úıdi satyp alý-satý mámileleriniń sany 2019 jyldyń 11 aıymen salystyrǵanda 5,6 paıyzǵa azaıǵan.
Esepti kezeńde turǵyn úıdi satyp alý-satý mámileleri ásirese Shyǵys Qazaqstan oblysynda 18,6, Aqtóbe men Jambyl oblystarynda 11,8, Nur-Sultan qalasynda 11,6 paıyzǵa tómendep ketken. Al Atyraý oblysynda 6,7, Qyzylorda oblysynda 5,4 jáne Batys Qazaqstanda oblysynda 4 paıyz ǵana ósim tirkelgen.
