Qazaqstanda turǵyn úı satyp alý-satý mámileleri 12 paıyzǵa jýyq ósti
NUR-SULTAN. QazAqparat – 2020 jylǵy qańtar-aqpanda elimizde turǵyn úıdi satyp alý-satý boıynsha 44 643 mámile jasaldy. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.
«2020 jylǵy aqpanda turǵyn úıdi satyp alý-satýdyń tirkelgen mámileleriniń sany 22 977 qurady jáne ótken aımen salystyrǵanda 6,1 paıyzǵa artty. 2020 jylǵy qańtar-aqpanda turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 11,8 paıyzǵa ósti», - delingen komıtet aqparatynda.
Vedomstvo málimetinshe, kópqabatty turǵyn úılerden páter satyp alý-satý mámileleriniń basym bóligi Almaty (3 845), Nur-Sultan (3 027) qalalarynda jáne Qaraǵandy oblysynda (2 149) tirkelgen. Al jeke turǵyn úılerdi satyp alý-satý kórsetkishi Almaty (952), Túrkistan (529) jáne Shyǵys Qazaqstan (443) oblystarynda joǵary.
